Luizi prej ditësh tashmë ka shpërthyer në lot në oborrin e “Big Brother Vip”, ku askush nuk e sheh.
Në lidhje me gjendjen e tij, ka reaguar edhe mikesha e tij, Efi Dhedhes.
Ish-banorja e “BBV” ka ripostuar këtë moment të Luizit në Instastory-n e saj.
“Çfarë ke?” Kaq do të doja të të pyesja”,-ka shkruar Efi përbri fotos.
Kujtojmë që ish-banorja, ka qenë një nga personat më të afërt të Luizit brenda shtëpisë së “BBV”. Ajo u eliminua disa javë më parë, pasi ndodhej përballë tij dhe Kiarës në nominim.
Edhe jashtë shtëpisë, Efi ka vazhduar ta mbështesë Luizin. Tani pritet të shikojmë kur këngëtari të jetë jashtë nëse dyshja do të vazhdojnë ta zhvillojnë miqësinë e tyre të krijuar brenda shtëpisë së “BBV”.
Sa u përket lotëve, Luizi ka deklaruar shpesh se nuk do t’i rrëfejë emocionet dhe jetën personale dhe ai nuk është shprehur se çfarë e mundon.
Gjithsesi, në një bisedë me Valbonën pak ditë më parë tha se e ka marrë malli për të ëmën. Ajo jeton në SHBA dhe që kur ka hyrë në BBVA Luizi nuk ka marrë asnjë mesazh prej nënës e cila ka edhe probleme shëndetësore.
