Terroristi i vetëm i mbijetuar nga sulmet e Parisit, Salah Abdeslam kërkon të bashkëpunojë me atoritetet franceze. Lajmi u bë nga avokati i tij, i cili tha se ekstremisti do të kërkojë edhe një përshpejtim të procedurave të ekstradimit.
26-vjeçari që dyshohet se është shefi i logjistikës në sulmet vdekjeprurëse në Paris gjatë muajit nëntor të vitit të kaluar, është kapur gjatë këtij muaji në Bruksel.
Abdeslam nuk ka folur me hetuesit që nga koha kur kryeqyteti belg u godit nga sulmet vetëvrasëse në aeroport dhe në stacionin e metrosë.
Sot në mëngjes është raportuar se Abdeslam dëshiron të bashkëpunojë me autoritetet franceze. Avokati i tij ka konfirmuar se klienti dëshiron të ekstradohet nga Belgjika në Francë.
