Një roje sigurie i ambasadës britanike në Gjermani, i cili u kap duke spiunuar për llogari të Rusisë, është dënuar me më shumë se 13 vjet burg.
David Ballantyne Smith, 58 vjeç, u deklarua fajtor për tetë akuza sipas “Aktit të Sekreteve Zyrtare 1911 dhe 1920”, por pretendoi se nuk shkaktoi qëllimisht ndonjë dëm.
Ai u dënua me 13 vjet e dy muaj, por mund të vuajë dënimin në Gjermani ose në Britani të Madhe.
Smith pretendoi se ishte në depresion, i vetmuar dhe pinte deri në shtatë gota raki në ditë kur filloi të zbulonte sekretet e ambasadës.
Justice Wall e hodhi poshtë këtë alibi gjatë gjykimit në Old Bailey, duke thënë se ai mblodhi “një sasi të konsiderueshme materialesh” për të “dëmtuar interesat britanike” dhe ia dha informacionet një “fuqie armiqësore”.
Ndryshe, kolegët kanë thënë se kanë qenë dëshmitar në disa raste se si Smith e kritikonte hapur Britaninë e Madhe dhe Gjermaninë dhe tregonte simpati për Rusinë dhe presidentin e saj, Vladimir Putin. Në gjykatë, ai pranoi se kishte mbështetur hapur forcat pro-ruse në rajonin Donbass të Ukrainës.
BREAKING: Former British embassy security guard David Smith is sentenced to a total of 13 years and two months for spying on behalf of Russia
Read more here 👉 https://t.co/JJdKztPXV9
📺 Sky 501, Virgin 602, Freeview 233 and YouTube pic.twitter.com/zOdqm5Bk9J
— Sky News (@SkyNews) February 17, 2023
