Pas pesë vitesh të gjata që nga ardhja e tij në Argjentinë, me të cilën debutoi si ndihmës i Jorge Sampaoli, gëzimi është i pamasë për Lionel Scalonin, i cili, edhe falë aftësive të Lionel Messit, ka bërrë realitet ëndrrën e një vendi të tërë me fitoren e Kupës së Botës, që kishte munguar që nga viti 1986.
Pas shumë momenteve të lumtura dhe festimeve emocionuese, ka ardhur koha që federata argjentinase të organizojë të ardhmen e afërt, edhe pse pas triumfit të fundit, pak dyshime kishin mbetur.
Siç raporton gazetari argjentinas Gastón Edul përmes profilit të tij në Tëitter, tekniku Scaloni është në proces rinovimi të kontratës deri në vitin 2026, me procedurat përfundimtare që do të zbatohen në muajin mars. Lajm i mirë për të gjithë Argjentinën, e cila deri vonë nuk e priste një përfundim të tillë në rrugën e Katarit.
