Zënka mes Nikolo Barela dhe Romelu Lukaku gjatë ndeshjes së Interi ndaj Sampdorias ka treguar se atmosfera te zikaltrit nuk është aspak e qetë. Pakkush priste reagimin e belgut ndaj mesfushorit italian, por sipas Antonio Kasanos, kishte ardhur koha që dikush t’i përgjigjej flakë për flakë mesfushorit.
Duke folur për “Bobo TV”, Kasano nuk është kursyer në kritika ndaj Barelas, i cili është një titullar i paprekshëm për momentin te Interi. “Në pushim të ndeshjes unë do ta kisha marrë mënjanë dhe do t’i kisha thënë “ik zhduku”.
Vazhdon të hapë krahët, na ka çarë k*** tre apo katër herë dhe Lukaku e bëri të heshte. I duket vetja se është ZIdan apo Iniesta. Nuk bën një pasim, vrapon para dhe mbrapa dhe ankohet gjithmonë. Dhe pastaj kërkojnë katër, pesë apo 10 milionë. Mjaft më!”, ishte shpërthimi i Kasanos kundër mesfushorit të Interit dhe përfaqësueses italiane.
