Ditën e sotme kanë rinisur sërish kërkimet për trupin e 26-vjeçarit, Mateo Lika, i cili dyshohet se në muajin janar ra me makinë në ujërat e lumit Seman.
Dyshimet se ai mund të ketë rënë në lumë nisën pas dëmtimit të parmakëve të urës së Mbrostarit si dhe targës që u gjet aty pranë.
I riu kishte ardhur nga Gjermania për të kaluar pushimet në Fier dhe kishte marrë me qira makinën me të cilën dyshohet se ra në ujërat e lumit Seman.
Makina që kishte marrë me qira nuk ka qenë e pajisur me GPS, ndërkohë nga kamerat e sigurisë të bizneseve aty pranë nuk arrihet të idenfitikohet qartë lëvizja me mjet e 26-vjeçarit.
