Protesta e opozitë përpara Parlamentit ka eksaluar në përplasje me policinë vetëm 20 minuta pas nisjes së saj.
Në momentin që drejt turmës kanë shkuar deputetët e Partisë Demokratike si Luçiano Boçi, Albana Vokshi e të tjerë, të cilët nuk u lejuan të hyjnë në sallë, pasi u bllokuan nga oficerët e Gardës, protestuesit kanë tentuar të çajnë kordonin e policisë.
Me tyre dhe efektivëve të policisë kanë nisur përplasjet fizike, ndërsa nuk kanë munguar tymueset dhe flakadanët të hedhur në drejtim të derës kryesore hyrëse të Kuvendit.
Protestuesit gjithashtu kanë bërë thirrje në drejtim të policisë për t’u bashkuar me ta, duke thënë: “Dorëzoni uniformat, dorëzoni kapelet. Rama ik!”.
Menjëherë forcat e rendit janë tërhequr nga vija e parë, ndërsa në ballë të kordonit që ruan Kuvendin janë vendosur Forcat e Ndërhyrjes së Shpejtë me skafandra, duke shtyrë protestuesit.
