Në lagjen Gölbaşı të Adiyaman, qytezë që u godit rëndë nga tërmetet me epiqendër në Kahramanmaraş të Turqisë, ndodhet një ndërtesë që nuk u shemb, e as madje xhamat nuk iu thyen dhe fotot e së cilës po bëjnë xhiron e rrjetit për mënyrën si është shkulur nga toka.
Blloku i apartamenteve Kayı, i vendosur në Bulevardin 1 Nisan në distriktin Mimar Sinan të rrethit Gölbaşı, doli nga themelet për shkak të dy tërmeteve në Kahramanmaraş dhe u anua mbrapa si një pjesë e vetme.
Ajo që bie në sy është se nuk ka pasur dëmtime të mëdha në gjendjen e përgjithshme të banesës, e cila është thuajse e shkëputur nga themelet.
Në pjesën e poshtme të ndërtesës u krijua një çarje rreth 4 metra e gjerë, 3 metra e thellë dhe 20 metra e gjatë. Ata që panë këtë gjendje të ndërtesës u përpoqën të ndalonin buzë rrugës dhe ta fotografonin atë.
67-vjeçarja Nurdagül Bozok, e cila banonte rreth ndërtesës së shembur, i tha gazetarëve se ende nuk mund ta kapërcejë tronditjen nga incidenti.
Duke shpjeguar se ata ishin në shtëpinë e tyre në momentin e tërmetit, Bozok tha: “Nuk më kujtohet se si dolëm nga kjo ndërtesë. Jemi në një situatë shumë të keqe. Në pallatin ngjitur jetonin njerëz në momentin e tërmetit. Edhe i zoti i shtëpisë shkoi në Umre. Pasi u kthye, u trondit kur e pa shtëpinë e tij kështu, sapo e kishte bërë“.
