Tërmeti i fuqishëm që goditi Turqinë ka lënë pas një panoramë plot dhimbje dhe shkatërrim, tekksa raportohet se numri i viktimave deri më tani ka arritur në 11.700, ndërsa mijëra të tjerë janë plagosur dhe kanë ngelur të pastrehë.
Situata në Turqi i përngjan një katastrofe humanitare, me vetë Presidentin Rexhep Taip Erdogan që indirect e pranoi se vendi nuk ishte i përgatitur për një goditje të kësaj shkalle.
Ndërkohë, sipas mediave të huaja edhe identifikimi i trupave të viktimave është shndërruar në një sfidë për të afërmit dhe ka nisur të bëhet në stadiume e parkingje, ku banorët heqin me kujdes batanijet për të njohur fytyrat e tyre.
Nada, një grua siriane dhe burri i saj turk pyetën një anëtar të ekipeve të shpëtimit se cila ishte mënyra më e përshtatshme për të gjetur mbesën dhe tezen e tyre midis më shumë se 100 trupave të vendosur në parkingun në spitalin Hatay pranë qytetit të Antakya (Antioki) në Turqinë jugore.
“Gruaja ime nuk flet turqisht dhe nuk shoh shumë mirë”, tha bashkëshorti, i cili nuk dha emrin. “Duhet të kontrollojmë të gjitha fytyrat. Ne kemi nevojë për ndihmë”, tha më tej ai.
Shumë nga të vrarët në tërmetin i cili goditi në orët e para të mëngjesit të së hënës ishin vendosur në thasë të posaçëm, ose të mbuluar me batanije, derisa të afërmit ose miqtë i identifikuan dhe i larguan.
Trupat u vendosën në tenda ose në trotuar jashtë spitalit me 1130 shtretër të ndërtuar në vitin 2016, i cili u dëmtua rëndë. Disa nga të vdekurit kishin etiketa me të dhënat e tyre personale, të tjerët jo. Të afërmit që gjejnë njërin prej tyre marrin një certifikatë vdekjeje dhe leje varrimi nga një prokuror i pranishëm në vendngjarje dhe më pas i transportojnë të vdekurit me automjetet e tyre.
Kahramanmaraş depremlerinde can kaybı sayısı 8 bin 574’e yükseldi https://t.co/6utYlloKwz #gazetesozcu @gazetesozcu aracılığıyla pic.twitter.com/uDahvYSXEA
— St. Lightning GENÇ NORVEÇLİLER (@VizyonsuzAli) February 8, 2023
Një grua që nuk mundi ta gjente motrën e saj bërtiti: “O Zot, na shiko, ne do të jemi mirënjohës nëse gjejmë kufomat e njerëzve tanë”.
Erdem, një punonjës i shërbimeve të urgjencës që erdhi nga Izmiri në Turqinë perëndimore, tha se një problem ishte mungesa e morgjeve dhe se koordinatorët po prisnin kamionët frigoriferikë për të vendosur të vdekurit.
Në veri, në Kahramanmaras, pranë epiqendrës së tërmetit, të paktën 100 trupa ishin vendosur në një fushë, ku banorët shkuan për të identifikuar të afërmit.
Një grua u pa teksa binte në gjunjë duke qarë. Brenda arenës dhe nën rreshtat e sediljeve të zbrazëta të spektatorëve shtriheshin trupat e tre fëmijëve të vegjël të saj të mbuluar me çarçafë në barela për foshnjat.
Ndërkohë, Bashkimi Evropian ka konfirmuar se do të dërgojë 3.5 milionë euro ndihma për Sirinë të mërkurën.
Bodybags pile up in Turkey with at least 11k dead after mega-quake ‘that MOVED country 10ft’… as Sun readers raise £250k – https://t.co/HMdq32CFd3 pic.twitter.com/OxSaygOjz4
— THELAPDROP (@thelapdrop) February 8, 2023
Njoftimi ka ardhur pasi Siria kërkoi zyrtarisht ndihmë sipas një skeme të krijuar për të mbështetur vendet e goditura nga fatkeqësitë natyrore duke aktivizuar Mekanizmin e Mbrojtjes Civile të Bashkimit Evropian.
Blloku ka njoftuar gjithashtu një ndihmë fillestare prej 3 milionë eurosh për Turqinë, pasi vendi aktivizoi Mekanizmin e Mbrojtjes Civile të BE-së të hënën.
