Ka disa njerëz që na kujtojnë se mosha është vetëm një numër.
Johanna Quaas është një grua 97-vjeçare gjermane e cila u certifikua nga Guinness World Records si gjimnastja më e vjetër aktive konkurruese në botë në vitin 2012.
Me kalimin e viteve, Quaas ka bërë bujë në internet pasi videot e saj postohen herë pas here.
Videoja është xhiruar në Festivalin Gjerman të Gjimnastikës në vitin 2017, kur gjimnastja ishte 91 vjeç.
Edhe pse videoja e shpërndarë nga Davis ka fituar mbi 400 mijë pëlqime, kjo është larg të qenit performanca e saj më virale.
Quaas fitoi fillimisht zemrat e botës pasi përdoruesi LieveDaffy ndau video nga stërvitja në dysheme dhe paralele të gjimnastes në Tournament of Masters në 2012.
Brenda gjashtë ditëve nga postimi, ata kishin fituar mbi 1.1 milion shikime secili.
Tani, të dy videot kanë mbi 3.5 milionë shikime.
Aftësitë e saj kanë mahnitur edhe sportistët më të mëdhenj në fushën e saj, si Simone Biles, e cila tha se stërvitja e saj në hekurat paralele e la pa fjalë.
E lindur në vitin 1925, Quaas filloi stërvitjen e saj të gjimnastikës në moshë të re dhe hyri në garën e saj të parë kur ishte 10 vjeç.
Ndërsa pjesën më të madhe të jetës e kaloi si trajnere e gjimnastikës dhe hendbolliste, ajo iu kthye gjimnastikës aktive në moshën 56-vjeçare.
