Ish-deputet i PD, Klevis Balliu duke folur për skandalin McGonigal deklaroi se “Rama është fshehur tek vrima e miut, pasi nëse flet do zhyet akoma më shumë.”
“ Takimi është indicia, paratë janë prova, burgu është dënimi. E takuar, po, je kapur mat. Ke shkelur ligjin sepse nuk ke bërë transparencë. Janë 4 takime dhe ai thotë janë takime pune. Kur je në panik i nxjerr vetë, zhytesh me këmbët e tua. Ndaj është fshehur tek vrima e miut sepse e di që nëse flet do zhytet akoma më shumë. Duhet ta kishte raportuar që e takonte. Ai njeri sot është nën hetim”, ka thënë Balliu në studion e Panorama TV.
Ai theksoi se dënimi është burgu dhe se Rama shkeli ligjet shqiptare duke mos raportuar takimet me ish-zyrtarin e FBI-së.
“Ndaj nuk donte Komision Hetimor për udhëtimet me avion privat, se i dilte McGonigal, ndaj e bllokoi. Sa McGongal ka ky? Ka shumë. Po heton gjithë bota vetëm SPAK jo, Po heton drejtësia në Amerikë, SPAK nuk bën asgjë, hesht sepse është nën drejtimin e Ramës. Ka ardhur koha tani, nuk mjafton të rendisim problemet, i dinë qytetarët, është vend mafioz, e dinë kush është problemi, zgjidhja është largimi i Ramës”, shprehet ai.
Sa i përket protestës së PD-së më 11 shkurt, ai theksoi: “Do i tregojmë botës se shqiptarët nuk janë me putinizmat e Ramës, janë popull pro amerikan. Mjaftojnë të dalin të gjithë në shesh.
Ne besojmë tek vlerat euroatlantike. Do i tregojmë gjithë botës që jemi krah Amerikës, jo siç është Rama. Për ta bërë këtë duhet të largojmë Ramën.”
