Istanbulspor i kolonisë së shqiptarëve kalon një përballje shumë delikate me golin 3 pikësh të Valon Et’hemit. Ish mesfushori i Kukësit realizoi një gol vendimtar në derbin e shqiptarëve përballë Konyaspor ku aktivizohet Endri Çekiçi.
Pasi mori një pasim në krahun e majtë, goditi drejt portës dhe topi u devijua e kaloi mbi portierin e vendasve, për t’i dhënë avantazhin skuadrës së tij që e mbrojti deri në fund të sfidës.
Me këtë fitore, Istanbulspor ngjitet në kuotën e 18 pikëve, vetëm 3 larg vijës që ndan zonën e ftohtë nga ajo e mbijetesës. Çekiçi u aktivizua titullar dhe doli nga loja në minutën e 74 ndërsa Rroca në krahun tjetër u zëvendësua 10 minuta nga fundi.
