Ndeshjet e sotme të Kupës së Shqipërisë kanë treguar një kuadër pak a shumë të qartë të atij që do të jetë turi tjetër i turneut pasi mbeten të mësohen vetëm 2 emrat e fundit që plotësojnë tetëshen e skuadrave që vazhdojnë më tej në turne.
Ajo që bie në sy është se kanë dominuar skuadrat e Superiores, pasi luftën për trofeun nuk do ta vazhdojë asnjë nga ekipet e kategorive më poshtë të cilët janë eliminuar të gjitha.
Në Grupin A rezulton që në çerekfinalen e turneut do të ndeshen Kastrioti me Tiranën. Ndërsa në Grupin B, Egnatia do të rivalizojë me Laçin për një vend në katërshe.
Partizani pret të mësojë se kush është kundërshtari i çerekfinaleve nga Grupi A, në përfundim të sfidës së nesërme mes Vllaznisë dhe Bylisit ku të avantazhuar janë shkodranët teksa kanë fituar takimin e parë 2-0.
Ndërsa në Grupin B, Kukësi do të shohë me shumë interes sfidën Teuta-Erzeni pasi aty do të dalë emri i çerekfinalistit që do të ketë përballë.
Ndeshja e parë skuadrave është mbyllur në barazim 1-1 dhe gjithçka është e hapur për sa i përket kualifikimit.
ÇEREKFINALET
GRUPI A
Kastrioti-Tirana
Vllaznia/Bylis-Partizani
GRUPI B
Egnatia-Laçi
Teuta/Erzeni-Kukësi
