Detaje të reja nga bisedat mes anëtarëve të grupit italo-shqiptar prej 43 personazh që u godit një javë më parë nga Guardia di Finanza dhe SPAK, e që drejtohej nga 3 shqiptarë nga Durrësi, janë zbardhur falë përgjimeve të bëra publike nga media italiane.
Në një komunikim të përgjuar midis Rexhep Dallupit dhe Enkeleda Bakallit zbulohet se Alfred Luli, i cili tronditi pozitat e grupit kur u arrestua nga policia, ka punuar në emër të Emirjan Beut (një nga 3 krerët, me nofkën “Noizy”), por disa muaj para arrestimit kishte nsur të devijonte duke ngjallur dyshime te bosi i tij, pasi në të njëjtën kohë shiste kokainën që merrte tek Beu dhe hashash për llogarinë e tij personale.
Sakaq Enkeleda Bakalli (45 vjeçe) është e vetmja grua në mesin e 21 anëtarëve shqiptarë të bandës që trafikonte drogës nga Shqipëria në Itali dhe që u shkatërrua nga SPAK në kuadër të operacionit “Autostrada”.
Në përgjimin ambiental të GdF që është realizuar më 13 Shtator 2017, Bakalli shprehet se do të interesohet për Alfred Lulin e arrestuar, te vëllai i tij Gjergji Luli, por Dallupi i kërkon që të mos e bëjë pasi ka dyshime se edhe ajo është vendosur në përgjim.
PËRGJIMET:
Rexhep Dallupi: Jo nuk ke pse t’i shkruash gjë vëllait, asgjë fare.
Enkeleda Bakalli: Jo jo, vetëm (për ta pyetur) çfarë po bën.. si je ? … kush e di si është .. po nuk e sollën në Shqipëri? (kuptohet nëse e sollën Alfred Lulin për të vuajtur dënimin në Shqipëri)
Rexhep Dallupi: Jo, asgjë fare se nuk i dihet. Unë e kisha në Facebook, po e hoqa.
Enkeleda Bakalli: Por për mua nuk është problem se jam grua.
Rexhep Dallupi: Edhe ty të kontrollojnë zemra edhe pse je grua.
Enkeleda Bakalli: Unë jam si Xhuli, një grua.
Rexhep Dallupi: Xhuli nuk kishte numër kontakti etj, por për ta takuar…
Enkeleda Bakalli: Këtu të kthehem (kërkon udhëzime për rrugën)?
Rexhep Dallupi: Po këtu, se i thashë ta takoje për të marrë vesh ndonjë gjë. Pastaj i jepja diçka sipas mundësive, edhe 500 Euro për ta falënderuar.
Enkeleda Bakalli: Kush e di si do përfundojë tani, por nuk e dërguan në Shqipëri apo jo? Kuptohet gjithmonë nëse e sollën Alfredi Lulin për të vuajtur dënimin në Shqipëri.
Rexhep Dallupi: Varet nga dënimi që i kanë dhënë këtu.
Enkeleda Bakalli: Më vjen keq për atë se kishte dhe gruan kështu (ndoshta shtatzënë), i shkreti do dënohet për faj të tjerëve.
Rexhep Dallupi: Nuk është ashtu, se ai (Alfred Luli) punonte dhe fitonte, i pëlqente, mori edhe lekë dhe bëri, dmth Noizy (Emirjan Beu) nga ky (nga Alfred Luli) dmth ai çuni tjetër (furnizuesi i Noizyt) ka për të marrë 500-600 mijë Euro. Noizy po më thoshte një ditë “u futa në telashe me robin tim (me furnitorin) prej atij (prej Alfred Lulit)” dhe ai tha (furnizuesi) “që e vret por unë nuk ia thashë këtë”. Këtë i thashë (Alfred Lulit) e kupton?” Nuk ia prezantova Fredit (dmth Noizy nuk ia prezantoi Alfred Lulit furnitorin), ai (Alfred Luli)punonte me të tjerët, sepse më pyeti si ishte (kokaina)?
Unë i thashë: “Emirjan, një nga çunat (bukët) kishte formën ep ..” dhe ai më tha “po jo unë i dhashë atë me 3 shtata”, dmth ai (Alfred Luli e ka marrë diku tjetër pa dijeninë e Noizy-t, ai bleu kokainë nga një furnizues tjetër.)
Enkeleda Bakalli: Ai punonte me të vëllanë (Gjergj Luli) dhe këtë (Noizy-n) e ka mbajtur aq shumë për….
Rexhep Dallupi: Shiko si ishte puna, Emirjani më tha që ky (Alfred Luli) në një muaj më hoqi 5-6 bukë, në 2 muaj hoqi 1 bukë e gjysmë…(dmth më parë shiste për llogari të Noizy-t 5-6 kg në muaj dhe pastaj vetëm 1 e gjysmë). Prit se ka diçka këtu, e kupton?
Enkeleda Bakalli: E shikon si është puna zemra? Ai (Alfredi) punonte me të vëllanë (Gjergji) dhe me këtë mbante marrëdhënie të mira.
Rexhep Dallupi: Po, por më mirë thuaj “vlla nuk punoj më dhe mos merr më” kurse ai shkonte këtej e andej, prandaj kishin dyshime për atë, donte të dinte ku e merrte.
Ai më tha (Noizy): Nuk ka mundësi që të më heq vetëm 2 bukë e gjysmë në tre muaj sepse ai heq 5 bukë në muaj sepse ka klientë që marrin gjysmë kile çdo muaj, se unë e di dhe e di edhe ai, dmth që për 6 bëjnë 18 bukë, prit një herë… kurse ai ka hequr 2 e gjysmë, pastaj i kisha thënë edhe për hashashin në janar…: “O Fredi (Alfred Luli) ose punohet me mall (kokainë) ose me, kurse ai i tha: “Jo Emirjan (Emirjan Beu), rri i qetë se nuk punoj me (dmth me hashash), kurse tani e kapën me hashash, kupton? Kurse Emirjanit i tha që nuk e bënte…
