Dosja ‘McGonigal’ ku ish-zyrtari i FBI-së Charles Mcgonigal akuzohet se ka marrë para ruse, në të cilën është përfshirë dhe kryeministri i Shqipërisë, Edi Rama është kthyer në kryeqendrën e medias në vendin tonë dhe jo vetëm.
Së fundmi ka reaguar dhe deputetja e Partisë Demokratike, Jorida Tabaku me anë të një reagim në FB ku thekson se mbi 4 vite shqiptarët janë helmuar me mashtrime se PD është financuar nga rublat ruse, ndërsa ajo pyet se; Shqiptarët kanë nevojë të dinë kush, si dhe çfarë ka ndodhur mes Ramës dhe agjentit të FBI paguar nga rusët?!
“Buza që flet të vërtetën, qëndron përgjithmonë, kurse gjuha që gënjen vetëm për pak kohë.” (Proverbat 12;19)
Për mbi katër vjet, shqiptarët 🇦🇱 janë helmuar nga mashtrimi se Partia Demokratike është financuar nga rublat ruse. Një njollë e lëshuar nga gojët dashakeqe dhe e gatuar në zyrat e kryeministrisë që nuk kanë lënë shpifje pa drejtuar karshi nesh.
Shqiptarët kanë nevojë të dinë kush, si dhe çfarë ka ndodhur mes Ramës dhe agjentit të FBI paguar nga rusët?! Duan të dinë se si oligarku Putinit përfitoi status investitorit strategjik menjëherë pasi u fut në listën e zezë të SHBA?
Shqiptarët duan transparencë për çfarë ka ndodhur me koncesionet që u jepen oligarkëve rus 🇷🇺 ndërsa paguhen para korrupsioni për të sulmuar PD!”, ka shkruajtur Tabaku.
