Edhe pse në puntatën e sotme të ‘Dita ime’ ka qenë i ftuar aktori i humorit Bes Kallaku, vëmëndjen gjatë bisedës e ka rrëmbyer kolegu i tij Ermal Mamaqi i cili u bë qendër diskutimi për gazetaren Dajana Shabani.
Gjatë kohës që Besi po zbulonte si pjesë të projekteve të tij të ardhshme, emisionin që do të sjellë bashkë me Erion Isain, gazetarja ka ngacmuar duke i thënë se kështu do të konkuronte Ermal Mamaqin.
Madje më pas nuk është kursyer aspak për këtë të fundit duke thënë se Ermali e kishte bërë bozë çështjen e audiencës. Gazetarja gjithashtu zbuloi se Mamaqi nuk paguante as punëtorët. Nuk e dimë nëse kjo ishte në kuadrin e shakasë, apo e vertëtë. Megjithatë diçka e mësuam.
