Një sulm me shpatë samurai ka ndodhur ditën e sotme në një kishë në Spanjë, në zonën jug-lindore, në qytetin Algeciras, Cadiz.
Lajmin e bëjnë të ditur mediat e huaja, sipas të cilave sulmuesi ka qenë një maroken, i cili u arrestua më pas nga policia.
Nga sulmi një person humbi jetën dhe katër të tjerë u plagosën, ndërkohë që mediat në Spanjë po flasin për një sulm xhihadist.
Në një video, sulmuesi shihet duke u larguar nga vendi i ngjarjes, duke mbajtur shpatën në dorë.
