Erërat e fuqishme dhe shirat me intensitet të lartë kanë shkaktuar probleme edhe në qarkun e Gjirokastrës.
Gjatë natës, në rrugën Lekël-Përmet dhe Kardhiq-Prongji ka pasur vërshime të përrenjve malorë duke sjellë inerte dhe bllokimin e akseve, ndërsa mësohet se rruga është liruar në të zbardhur të mëngjesit.
Nga ana tjetër, si pasojë e erës së fortë, raportohet se OSHEE ka stakuar energjinë elektrike në Luftinjë, Buz dhe Memaliaj si dhe në njësitë administrative Frashër dhe Piskovë të bashkisë Përmet
Ndërkohë në bashkinë Gjirokastër ka probleme fideri i Kardhiqit.
