Ish-deputeti socialist, Ervin Bushati është kundër amnistisë fiskale, që qeveria Rama me shumë ngulm kërkon të miratojë edhe pse ndërkombëtarët janë shprehur kundër.
Bushati deklaron se kryeministri Edi Rama duhet të tërhiqet me takt nga kjo nismë, pasi siç tha ai nëse do të miratohej do të minonte të ardhmen e Shqipërsë dhe do ta bënte vendin tonë portë hyrëse të aktiviteteve të paligjshme.
Ai shton se grupet kriminale problemin kryesor e kanë se ku do çojnë paratë cash dhe nuk mund të bëhet Shqipëria ajo që duhet të hapë “portën e susamit”.
“Unë e kam thënë edhe në parlament dhe komisionit që do të duhet të kishte dakordësinë e të gjithëve dhe në asnjë mënyrë infiltrimin e parave të pista apo edhe atyre gri sepse do të dëmtonte po vetëm Shqipërinë, por do ndryshonte sistemin e vlerësimit të shoqërisë, do minonte të ardhmen e Shqipërisë dhe e bën Shqipërinë porte hyrëse dhe bankë të aktiviteteve të paligjshme që janë problematike për Evropën.
Problemi kryesor i aktivitetit të paligjshëm është ku të depozitojnë cash-in dhe të hapim derën e susamit dhe ti thuash hajde mbajini këtu është problem për Evropën prandaj Evropa është kundër.
Ky diskutim ka 4-5 vite që diskutohet dhe unë mendoj se duhet të tërhiqet me takt kryeministri sepse bie ndesh me financat publike të shtetit ligjor në radhë të parë dhe me interesat e partnereve strategji”, tha ndër të tjera Bushati për Panorama TV.
