Autoriteti Rrugor Shqiptar apelon drejtuesit e automjeteve të pajisen me goma dimri nëse kanë planifikuar të udhëtojnë në zonat malore.
ARRSH bën me dije se gjatë natës dhe në orët e para të mëngjesit, ka pasur reshje shiu në të gjithë vendin.
Në Bogë-Theth ka pasur reshje dëbore, ndërsa në Qafë Thore reshjet kanë qenë me intensitet, thuhet në një njoftim të ARRSH, ku shtohet se kontraktorët me
mjete e punëtorë kanë qenë në terren gjatë gjithë natës për të mbajtur qarkullimin në normalitet.
“Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore”, apelon autoriteti.
