Holta Zaçaj propozohet anëtarja e re e Gjykatës Kushtetueses.
Mbledhja e Posaçme e gjyqtarëve të Gjykatës së Lartë zhvilloi këtë të Hënë procedurën e votimit, ku ajo mori 6 vota, aq sa kandidatja tjetër Elsa Miha.
Tre vota u shpallën të pavlefshme.
Gjykata e Lartë shpjegoi në një njoftim zyrtar se:
“Në zbatim të nenit 7/ç, pika 4, ku thuhet: “Për çdo vend vakant votohet për secilin nga kandidatët e renditur në tre vendet e para të listës. Kandidati që merr tri të pestat e votave të gjyqtarëve të pranishëm shpallet i zgjedhur. Nëse nuk arrihet shumica e nevojshme, kandidati i renditur i pari nga Këshilli i Emërimeve në Drejtësi konsiderohet i zgjedhur’, komisioni deklaroi fituese kandidaten Holta Zaçaj”.
