Fjalimi i Papa Françeskut para turmës së mbledhur në sheshin e Shën Pjetrit bëri bujë ditën e sotme dhe u interpretua si një deklaratë indirekte për të paralajmëruar një dorëheqje të mundshme në të ardhmen.
“Do të na bëjë mirë të kultivojmë, si Shën Gjon Pagëzori, virtytin që na lejon të tërhiqemi në momentin e duhur, duke dëshmuar se pika e referimit të jetës është Jezusi”, tha Papa.
Së fundmi, Papa Françesku ka treguar se i ka dorëzuar një letër të nënshkruar Sekretarit të Shtetit të Vatikanit, ku thuhet se nëse nuk mund të përballojë më detyrimet e tij, do të zgjedhë rrugën e dorëheqjes.
