Nga Basir Çollaku
Hetimet për Edmond Begajn prokuroria dhe gjykata nuk kanë mundur të shkojnë në fund të procesit. Ndoshta partia ka dërguar mesazhet e duhura.
Policia e Shtetit në mars të vitit 2022, ka referuar në prokurorinë e Tiranës, afro 10 muaj më parë, në mars 2022, indicien e saj për një vepër penale në ngarkim të shtetasit Mond(Manoli) Irfan Bega(Bego) për pastrim parash. Prokuroria nuk ka shkuar edhe këtë herë shumë larg, ashtu si thuhet në referim se hetime ka pasur disa herë, por në asnjë rast nuk është shkuar në bllokim pasurie.
Në informacion dërguar nga policia e shtetit ndër të tjera thhet se:
Oficerët e Policisë Gjyqsore në Seksionin Kundër Pastrimit të Parave, pranë sektorit Kundër krimit Ekonomiko Financiar, në drejtorinë e Policisë së Qarkut Tiranë, duke respektuar kërkesat dhe detyrimet ligjore parashikuar nga neni 293 të Kodit të Procedurës Penale, përpiloj këtë informacion me shkrim për referimin e veprës penale tek prokurori.
“Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë” përpiloj këtë relacion me shkrim prokurorit, lidhur me asetet apo pasuritë që disponon subjekti i këtij procedimi shtetasi:
Mondi(Manoli) Irfan Bega(Bego) vitlindjes 1972 lindur në Lushnje e banues në Tiranë, E. Pëllumb Bega, lindur e banues në Tiranë, më qëllim inicimin e më pas procedimin penal ndaj tij dhe konkretisht:
Nga informacionet e marra nga ana jonë, dhe nga monitorimi i rastit rezulton se subjekti i disponuar prej subjektit Mond Bega, shoqëria “Inerte-Expres” sh.p.k me Nipt K72113012U sipas kontratave noteriale nr 2590 Rep dhe nr 1317 Kol datë 28/07/2020 dhe kontrata nr 2591Rep dhe nr 1318 Kol datë 28/07/2020 ka porositur ndërtimin e dy vilave me palë sipërmarrëse shitëse shoqërinë “Green Coast” Shpk në vlerën 345.800 euro dhe 319.200 euro. Nga informacioni rezulton se njërën prej vilave shtetasi Mond Bega në emër të subjektit që përfaqëson e ka shitur te shtetasi Hasan Lumneshi me çmimin 290.726 euro sipas kontratës noteriale nr 150 Rep dhe nr 43 Kol datë 08/01/2021
Nga informacione të grumbulluara nga burime të hapura ka rezultuar se :
Edmond Bego, ka dy vila në kompleksin luksoz “Rolling Hills” në pronësi të kompanisë së inerteve Expres Shpk, si dhe koncensione, pasi është pronar i disa guroreve. Ai është hetuar disa herë për pasurinë, por në asnjë rast nuk ka pasur një rezultat bllokimi të pasurisë së tij. Policia ka renditur sipas informacioneve të saja në terren një numër të konsiderueshëm pasurish, për të cilat kërkon një skaner hetimor, rreth pastërtisë së financimit. Por ende kur duhen edhe dy muaj të bëhet një vit nga ky referim policor. Duket se prokuroria nuk ka shkuar fort larg në veprimet e saj duke përsëritur reagimet e mëhershme në të tjera kallzime të bëra nga oficerët e policisë gjyqsore.
