Shkodra u trondit mëngjesin e sotëm nga “fantazma” e së shkuarës. Shpërthimet me tritol u rikthyen në kryeqendrën e veriut të vendit dhe këtë herë shënjestra ishte një zyrtar policie.
Sipas uniformave blu lënda plasëse është vendosur në banesën e shefit të Krimeve në Policinë e Shkodrës, Pëllumb Shpati (49 vjeç).
Ngjarja ndodhi rreth orës 03:50 para banesës së tij në lagjen Dobraç.
Si pasojë e shpërthimit janë shkaktuar dëmtime të lehta në banesën e 49-vjeçarit, si dhe është dëmtuar automjeti i tij.
Grupi hetimor po punon për zbardhjen e ngjarjes dhe identifikimin e autorëve, teksa shkak për vendosje ne lëndës plasëse paraprakisht dyshohet të jetë detyra e Shpatit.
