Situata në burgjet e Larisës ka qenë kaotike pasditen e sotme.
Sipas raportimeve nga mediat greke, më shumë se 100 të burgosur në pavijonin e 3 -të, pas takimit të pasdites nuk kanë pranuar të kthehen në qeli në shenjë proteste për një shok të burgosur.
Mësohet se pavarësisht apeleve të autoriteteve ata kanë refuzuar të kthehen, ndërkohë pas një operacioni policor gjërat u qetësuan dhe pak pas orës 22.30 (me orën greke), të burgosurit u kthyen në qeli.
Të pranishëm në vendngjarje u mblodhën forca të shumta policie.
