Nënkryetari i Parlamentit, Agron Gjekmarkaj ka reaguar sa i takon përjashtimit të katër deputetëve demokratë.
“Prej muajsh nuk kuptoj më asgjë! Njerëzore është të mos kuptosh. Më mungojnë të gjitha instrumentet racional të përkufizimit për këtë mot politik. Kam marrë një vendim të brendshëm që mbase duhet ta formalizoj dhe së jashtmi që të shpjegoj vetëm veprimet e mia dhe jo të të tjerëve me fjalë ose me heshtje. Prej kohësh irracionalja, egoja, intrigat, egërsia vërshojnë nga të gjitha anët. Sadoma dhe Gomorra më shfaqen para syve në të gjithë lugubritetin e vet. Tek ‘Iliada’, lapidar është një varg: Pse vraponi për të vdekur o të mjerë. Secili duhet ta lexojë, vlen për të gjithë ata që e duan jetën”, shprehet deputeti demokrat në reagimin për emisionin “Now”.
Pas leximit të këtij reagimi, drejtuesja e emisionit Erla Mëhilli u shpreh se me shumë gjasa Gjekmarkaj do të dalë si një deputet i pavarur, pra jashtë grupit parlamentar.
