Deputeti demokrat Luan Baçi, thotë se çështjen e rikthimit të basteve sportive, e sheh pazgjidhshmërisht me të parit politikisht.
Nga studio e MCN Live, ai deklaroi se si vend që aspirojmë të futemi në Bashkimin Europian, çdo gjë që lejohet në vendet e BE është e lejushme dhe për ne dhe duhet të jemi në pozita të barabarta.
Baçi tha se nuk është në parim kundër basteve, pasi kanë ekzistuar dhe pas asaj që u quajt “Fundi i marrëzisë”, duke shtuar se nuk kanë ndaluar asnjëherë në Shqipëri bastet.
“Kanë qenë në vazhdimësi, në një formë tjetër, në mënyrë të fshehtë, ekzistonin në çdo ambient në çdo lokal. Në këto katër vite nga 2018, nuk u ndaluan bastet, por u lanë rreth 15 mijë punonjës pa punë. I mbyllën në mënyrë të paparalajmëruar, brenda 1 muaji u mor vendimi dhe shumë biznesmenë u ndodhën para një të papriture dhe pësuan dëme shumë të mëdha. U munduan të lidhen jashtë me ata që kanë licenca dhe vijuan në mënyrë të paligjshme, u bë një fushë e madhe e abuzimit sidomos me punonjësit e policisë.
Punonjësit e policisë ushtronin kontrolle të njëpasnjëshme, pa mandate kontrolli, në mënyrë selektive dhe ishin kthyer në gjobëvënës. Drejtuesit e policisë vazhdonin të jepnin drejtim, jo policët e thjeshtë. Kam njohur shumë nga këta biznesmenë që kanë punuar gjatë kësaj kohe se kanë qenë të detyruar jepnin pjesën te policia që të vazhdonin puna, në Fier, Lushnje, Vlorë. Madje kemi parë në rrugë me dhjetëra makina policie që rrethonin vende ku luheshin baste, kishte deh arrestime dhe gjykata i linte të lirë. Pasi i ndalonin u merrnin pjesën dhe i linin të lirë të vazhdonin punën. Shefa policie dhe zyrtarë të lartë i kanë lejuar. Nuk denonconin dot se do ishin në burg dhe vazhdonin të mbijetuar. Taksat që do paguanin kur të ishin të legalizuar, vazhduan t’ia jepnin policisë që të mbijetonin”, tha Baçi.
Sipas tij, qeveria nuk e ka bërë draftin akoma dhe sipas tij, zëvendësministri i Sporteve nga dashamirësia tha se këto para do të jepen për sportin.
Ndër të tjera, shtoi se qeveria nuk ka diskutuar me grupet e interesit.
Baçi tha se kemi vende rrotull ku lejohen bastet madje propozoi që të marrim të gatshëm mënyrën se si e kanë të organizuar në Greqi, ku vendosen kritere të sakta, për kriteret e funksionimit të tyre dhe distancat.
“Kjo funksionon si puna e shumë tenderave që paraprakisht kanë shumën e parave, vendosen kritere të paracaktuara. Licencat janë të paracaktuara. Për marrjen e një licence ka qenë rreth 10 milionë euro garancia. Kush e plotëson këtë kriter, dihet se cilat kompani qarkullojnë miliona euro nga tenderat që marrin. Rama dëgjesë publike bën me militantët e vjet. Kjo është e paragjykuar dhe pasi e projektuan për katër vite, duke parë se përsëri po iu del nga kontrolli, po i rikthehen përsëri pa pikë turpi, pa bërë analizë. Ku e di Rama dhe qeveria që do të miratohet ky projektligj i qeverisë dhe e parashikon dhe në buxhetin e shtetit të të ardhurave që do marrë dhe mund të mos vihet fare në punë këtë vit, por vitin e ardhshëm. E di se çdo projektligj e çon formalisht. E ka të paracaktuar dhe licencat do i marrin ato kompani që janë të lidhura me pushtetin dhe Edi Ramën. Ai deklaroi ndër të tjera se bixhozin dhe bastet as Enver Hoxha, nuk i ndaloi dot”, tha ai.
