Ditët me diell në Vlorë ia kanë lënë vendin motit të përkeqësuar. Këtë të hënë Vlora prezantohet me një erë të fortë e cila është reflektuar dhe me një det të trazuar.
Lartësia e dallgëve është 4 ballë në gji dhe deri në 6 ballë në det të hapur,ndërsa fuqia e erës është 15 deri 20 m/sek.
Pyetur në Kapitenerinë e Portit të Vlorës,situatës nuk i ka paraprirë një urdhër i Drejtorisë së përgjithshme të Detarisë, por peshkatarët i kanë marrë masat vetë.
Asnjë peshkarexhë apo mjet i vogël peshkimi nuk ka dalë sot në det pikërisht për shkak të erës së fortë dhe dallgëve të mëdha.
