Supersfida mes Milanit dhe Romës mbylli siparin e mbrëmjes së sotme në Serinë A italiane. Takimi u mbyll me rezultatin e barabartë 2-2 në një ndeshje të mbushura me emocione.
Kuqezinjtë do ndeznin festën në tribuna në minutën e 30-të, ku pas zhvillimeve të një këndorje, Kalulu realizon gol. Goli i sigurisë do vinte në minutën e 77-të me Pobega. Skuadra e drejtuar nga Mourinho do zgjohej në fundin e ndeshjes me Ibanez, për t’i hapur rrugë kështu barazimit të Abraham në limite.
Ndërkohë në shkallët e “San Siros” mbrëmjen e sotme nuk ka munguar edhe flamuri shqiptar. Në një moment të takimit, kamerat kanë fokusuar disa tifozë që valëvisnin flamurin kuqezi.
