Detektivët në SHBA arrestuan Marian Kola, 24 vjeç, të enjten pasi një hetim zbuloi se ai po drejtonte një kompani të rreme që shiste kondicionerë dhe mashtronte një klient të moshuar, duke i marrë më shumë se 14,000 dollarë.
Sipas mediave të huaja, Kola udhëtoi në Shqipëri katër herë në vitin 2022. Hetuesit akuzuan Kolën se kishte shkaktuar një vjedhje të madhe që vlerësohej të ishte midis 10,000 dhe 20,000 dollarë. Po ashtu, detektivët thanë se Kola operonte biznesin e tij, Kola Cooling, pa licencë. Kola kishte bërë biznes për më shumë se një vit duke përdorur një numër licence biznesi që i përkiste një inspektori lokal të zjarrfikësve.
Në qershor 2021, Departamenti i Rregullimit të Biznesit dhe Profesionistit në Florida e sanksionoi Kolën sepse nuk ishte i licensuar. Një i moshuar filloi të kishte probleme me sistemin brenda disa javësh nga instalimi që i bëri shqiptari, ndaj Kola u kthye në shtëpinë e saj për të kryer riparime, duke e ngarkuar atë për pjesë. Në korrik 2022, ai u kthye përsëri për të kryer më shumë riparime dhe i ngarkoi si faturë 340 dollarë.
Më pas, i kërkoi asaj një çek prej 340 dollarësh, duke e bërë atë të besonte se karta e saj nuk kishte funksionuar. Ajo i dha atij një çek prej 340 dollarësh. Të nesërmen, ‘viktima’ mori një faturë nga një aplikacion që Kola përdorte duke i ngarkuar 340 dollarë të tjera, derisa totali i shkoi 14 mijë dollarë. “Viktima” ka tentuar vazhdimisht të kontaktojë Kolën, por ai nuk ia ka kthyer kurrë telefonatat apo emailet.
Pas denoncimit, shqiptari u kap dhe do të dalë në gjykatë më 30 janar
