Kalifornia kishte qëndruar larg valës së ftohtë që goditi SHBA-në gjatë Krishtlindjeve, por këtë herë nuk iu kursye një valë moti i keq që i solli vendit që zakonisht ka diell, shi të dendur, erëra të forta dhe borë në male. Meteorologët flasin për një “ciklon bombë”, domethënë një rrymë ajri të lagësht që bart avujt e ujit në distanca mijëra kilometra. “Lumenjtë” e ajrit sjellin reshje në Kaliforni, por nëse ato janë jashtëzakonisht intensive, siç është ajo që po ndodh këto ditë, shiu dhe bora në male arrijnë nivele të paprecedentë.
Stuhitë shkaktohen kur një masë ajri me presion të ulët takohet me një masë me presion të lartë. Në bombën ciklonike ka rëndësi se sa shpejt bie presioni në masën e ajrit me presion të ulët. Sa më shpejt të ndodhë ky fenomen, aq më të forta janë erërat. “Bomba” në bregun perëndimor të SHBA-së forcon “lumin” e fuqishëm të ardhur nga… Hawaii. Kombinimi mund të sjellë deri në 250 mm shi dhe mbi një metër borë në malet e Kalifornisë në disa vende.
Fenomeni rrit rrezikun e përmbytjeve.
Ky ndryshim shumë i papritur nga dimrat zakonisht të thatë në ato shumë të lagësht është afër asaj që ekspertët kanë frikë se ndryshimi i klimës po sjell në Kaliforni. “Ciklonet e bombave” janë fenomene mjaft të pazakonta, por ndryshimet klimatike mund t’i shkaktojë më shpesh.
