Vice Media Group i njohur për gazetarinë e tij të mprehtë që synon një demografi të re, ka njoftuar se do të hapë një seli të re rajonale në Riad të Arabisë Saudite.
“Zyrat e reja do të vendosen në lagjen kulturore JAX dhe do të hapen zyrtarisht muajin e ardhshëm”, tha kompania në një deklaratë.
Kompania tashmë ka një prani në Riad, pasi njoftoi hapjen e një zyre të vogël në lagjen e JAX në 2017.
Vice, i cili ka MBC-në (kompania mëmë e Al Arabiya) si një nga partnerët e tij, po kërkon të zhvillojë marrëdhënie me partnerët e tjerë në Mbretërinë Saudite, duke përfshirë Ministrinë e Kulturës, Grupin e Kërkimit dhe Marketingut Saudit (SRMG), NEOM dhe Komisionin Mbretëror për qytetin e Riadit.
“Operacionet tona të zgjeruara në Mbretëri janë vërtet një dëshmi e përpjekjes dhe fokusit tonë të vazhdueshëm për të kontribuar dhe për të qenë pjesë e kulturës dinamike rinore të vendit“, tha zëvendësdrejtori menaxhues i MEA, Tarek Khalil në një deklaratë.
“Si pjesë e angazhimit tonë ndaj tregut, ne gjithashtu do të punësojmë shtetas sauditë për t’iu bashkuar ekipit tonë dinamik dhe të lulëzuar”, shtoi ai.
Sakaq, zëvendës shefja globale e marketingut Nadja Bellan-White shtoi: “Ne jemi të ngazëllyer që po zgjerojmë angazhimin tonë ndaj kulturës rinore në mbarë botën me selinë tonë të re rajonale në distriktin e lulëzuar JAX”.
