Gjykata Kushtetuese ka pranuar padinë për “Butrintin”.
Lajmi është bërë i ditur nga deputetja e Partisë Demkratike Ina Zhupa. “Viti nis mbarë me një lajm të mirë për Butrintin. Padia pranohet nga Gjykata Kushtetuese e cila fton te gjitha palet te cojne argumenta dhe prova brenda dates 27 Janar 2023. Me pas do zhvillohet seance publike! Gjykata Kushtetuese do rri në lartësinë e emrit dhe pozicionit që ka! Butrinti do fitojë!” shkroi ajo në FB.
Bëhet fjalë për një padi kundër koncensionit të Butrintit e cila është firmosur nga 36 deputetë. Padia u depozitua në Nëntor 2022.
PD i kërkon Gjykatës Kushtetuese shfuqizimin e ligjit për koncesionin e Butrintit dhe pezullimin e menjëhershëm të këtij ligji, për shkak se sipas tyre, krijon dëme të cilat do të ishin të pariparueshme nëse do të pritej deri në momentin e shfuqizimit.
Sipas PD, “me koncesionin e Butrintit është shkelur neni 3 i Kushtetutës, i cili thotë që shteti shqiptar është garant për identitetin dhe për trashëgiminë kulturore. Në rast të këtij koncesioni nuk është shteti shqiptar, sepse shteti shqiptar ka vetëm 20%. Së dyti, është shkelur Konventa e Parisit, konventa e trashëgimisë kulturore, sepse siç e dini Butrinti është jo vetëm pasuri shqiptare, por është edhe pasuri botërore e mbrojtur nga UNESCO, që kërkon që site të tjera të trashëgimisë kulturore të menaxhohen dhe të administrohen nga shteti”.
