Dy javët e fundit të dhjetorit është rritur sëmundshmëria në popullatë. Të mëdhenj e të vegjël po preken në masë nga gripi i stinës i cili është dominant edhe ndaj mutacioneve të koronavirusit.
Mjekët e qendrave shëndetësore flasin për një fluks të shtuar vizitash për shkak edhe të shumë virozave të tjera në qarkullim. Më të vegjlit janë pacientët që shfaqin më shumë shqetësime dhe komplikacione për shkak edhe të mbivendosjes së gripit me Covidin apo me viroza të tjera.
Ekspertët e institutit të shëndetit publik presin rritje të sëmundshmërisë nga virozat respiratore. Ndërsa piku i infektimeve nga gripi parashikohet të shënohet në fund të muajit janar.
/A2/
