Situata në Veri të Kosovës është çtensionuar ndjeshëm në krahasim me tre javët e fundit, ku retorikës së luftës i hodhën benzinë Aleksandër Vuçiç dhe Ana Bërnabiç, ndërsa serbët në Mitrovicë arritën deri aty sa të ngrinin barrikada edhe në mes të qytetit.
Por një nga një dhe dalë-ngadalë ditën e sotme, ata aknë nisur tërheqjen dhe kanë çmontuar me radhë secilën prej barrikadave, që Iviça Daçiç i quajti dje formë paqësore të të protestuarit me përkrahjen sipas tij të SHBA dhe BE.
Teksa pika e kalimit kufitar të Merdares është zhbllokuar, Vuçiç ka tërhequr gjendjen e gatishmërisë për luftë dhe fshtarat Jarinjë e Rudarë kanë rifilluar të gjejnë qetësinë e mëparshme, për ngjarjen ka reaguar edhe kryeministri i Shqipërisë Edi Rama.
Në një seri postimesh në Tëitter, Rama shprehet se vendosja dhe heqja e barrikadave është kthyer në një shfaqje të zakonshme të Serbisë, por që këtë herë zgjati më shumë dhe ngriti nivelin e shqetësimit.
Rama në reagimin e tij nuk kursen as ironinë me deklaratat e ministrit të Jashtëm serb Ivica Daçiç, duke nxjerr në pah problemin që krijohet me shprehjen e tij për të normalizuar vendosjen e barrikadave si një lëvizje të ligjshme e demokratike.
Reagimi i Ramës:
“Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!
Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare!
Pyetja mbeti po ajo që ishte përpara këtyre barrikadave paqësore e deklaratave armiqësore! Dhe deri kur përgjigjet e ndryshme të nisen po njësoj nga e shkuara, pyetja do të mbetet po aty edhe pas shfaqjes së rradhës, kur barrikadat të thyejnë paqësisht monotoninë e hiçzgjidhjes!”
Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!
— Edi Rama (@ediramaal) December 29, 2022
