Zonja në foto është 48-vjeçarja Shpresa Cani e cila ndërroi jetë në ambientet e Bashkisë së Lushnjes pas takimit me kryebashkiaken Eriselda Sefa.
Mësohet se ajo ishte drejtuar në ambientet e bashkisë për të kërkuar rikthimin e ndihmës ekonomike e cila i ishte hequr nga ana e këtij institucioni.
Viktima ka debatuar ashpër me punonjësit e kësaj zyre rreth faktit të heqjes së emrit nga lista e përkrahjes sociale dhe është nxjerrë me forcë nga kjo zyrë.
Më pas, 48-vjeçarja ka kërkuar takim me kryetaren e Bashkisë, Eriselda Sefa dhe është ngjitur në katin e dytë për të takuar kryetaren.
Sapo ka kryer takimin, ajo është ndier keq dhe është lajmëruar ambulanca e spitalit Lushnje. Pas mbërritjes së ambulancës, gruaja ka ndërruar jetë në vend.
