Dëmtimi i Armando Brojës dhe qëndrimi jashtë fushave të lojës deri në fund të këtij sezoni, ka detyruar Chelsea-n që të hyjë në merkato për një futbollist në repartin e avancuar.
Kështu, pak ditë para hapjes së merkaton së dimrit, blutë zyrtarizuan pasditen e kësaj të mërkure marrëveshjen e arritur me Molden në Norvegji, për transferimin e sulmuesit nga Bregu i Fildishit, David Datro Fofana (20 vjeç). Shuma e transferimit nuk është bërë e ditur por shtypi anglez flet për një çek prej 12 milionë eurosh.
