Luiz Ejlli, një nga banorët e “Big Brother VIP Albania” ka vendosur të tregojë për disa nga banorët e tjerë detaje në lidhje me një nga lidhjet e tij të mëparshme, me vajzën e Jozefina Topallit.
Zhaklina e ka pyetur Luizin nëse është marrë me politikë, ndërsa Luizi i ka treguar për lidhjet e tij me politikën.
Zhaklina: U more disa kohë me politikë ti apo jo?
Luizi: Jo. Pse të dukem kështu si politikan?! Çfarë kisha lidhje me politikën unë? Të dukem kështu si politikan?
Zhaklina: Mbaja mend sikur kishe lidhje me politikën. Mbaja mend, ndoshta e ngatërroj.
Luizi: Je diku, aty rrotull je.
Ronaldo: Ka qenë i lidhur me politikën.
Luizi: I lidhur me… politikën. Jo se kam qenë politikan.
Ronaldo: Me vajzën e një politikaneje.
Kujtojmë se marrëdhënia disavjeçare e Megi Topallit, vajzës së ish-kryetares së Kuvendit, Jozefina Topalli, dhe Luiz Ejllit, mori fund në vitin 2017. I ftuar kohë më parë në “Pasdite në Top Channel”, ai tha se nuk kanë qenë të fejuar, por “ishte thjesht një lidhje”, e cila ishte e destinuar të përfundonte: “E di si ishte? Si një flluskë sapuni, e cila vjen e fryhet, ngrihet lart, fillon merr ngjyrat e bukura, bëhet një mrekulli atje dhe pastaj shpohet…” – tha Luizi duke shtuar se gjërat përfundojnë dhe kjo është e kuptueshme si për të gjithë njerëzit.
I pyetur për arsyet, këngëtari tha se tashmë ato nuk i interesojnë askujt: “Kam pasur dhe do të kem gjithmonë respekt, si për të, ashtu edhe për familjen e saj e për gjithçka. Nuk janë pak ato vite që kemi kaluar, nga unë do kenë mirënjohje gjithmonë”.
