Katër të plagosur është bilanci i një incidenti të ndodhur në Stamboll ku pjesa e tarracës së një restoranti të njohur në lagjen Bebek është shembur dhe klientët kanë rënë në det.
Siç raporton media turke “Haberler”, oborri i një restoranti pranë detit u shemb, ndërsa në videot që janë publikuar shihen njerëz në ujë, duke tentuar të dalin jashtë.
📌İstanbul Bebek’te bir restoranın iskelesi çöktü. Denize düşenler kurtarılmaya çalışılırken, olay yerine çok sayıda polis, itfaiye ve sağlık ekibi sevk edildi. pic.twitter.com/CO0RyvO6WB
— 23 DERECE (@yirmiucderece) December 23, 2022
Për momentin nuk janë zbardhur rrethanat e sakta në të cilat ka ndodhur ngjarja, ndërsa operacioni për shpëtimin e atyre që kanë mbetur në ujë po vijon ende.
Në vendngjarje kanë mbërritur menjëherë ekipet e policisë, zjarrfikësit dhe ekipet mjekësore.
Administrata Rajonale e Besiktashit ka lëshuar një deklaratë për ngjarjen ku thuhet: “Sot rreth orës 21.00, katër qytetarë kanë mbetur të lënduar nga shembja e një ballkoni në një restorant në rrugën Bebek Arnavutköy”.
Bebek Arnavutköy tavanı veya islelesi çöken restoranın görüntüsü pic.twitter.com/tR8MSGGiIT
— UmutBalkis (@UmutBalkis) December 23, 2022
“Të lënduarit janë dërguar në spital nga ekipet e urgjencës mjekësore dhe mësohet se janë jashtë rrezikut për jetën. Në zonë janë marrë masat e nevojshme të sigurisë dhe ka nisur hetimi”, thuhet në njoftim.
