“Festivali i Këngës në RTSH” ka mbajtur mbrëmjen e djeshme natën e madhe të finales, me çmime, supriza dhe emocione të forta.
Këngëtarja Elsa Lila është shpallur fituese me votat e jurisë, ndërsa në Eurovision do të shkojë Albina Kelmendi dhe familja e saj, pasi morën votat e publikut.
Moderatorja Arbana Osmani, në natën finale mbante veshur një fustan, vlera e të cilit siç ka zbuluar më vonë, ka qenë vërtet marramendëse. Arbana ka thënë se veshja e saj nuk është mbuluar nga buxheti i Festivalit, por ka qenë i sponsorizuar.
E pyetur nga aktorja Olta Dako për çmimin e fustanit të finales, prezantuesja u shpreh: “Veshja nuk është pjesë e buxhetit, është e sponsorizuar, dhe ka kushtuar 18 mijë euro. Kjo, sepse jemi në Festival.”
