Kreu i Bashkisë së Tiranës e përdor faqen e tij të facebook-ut si një mjet të fortë propagande, duke reklamuar punën e bashkisë por jo vetëm.
Por ndryshe nga herët kur foto e tij duke shërbyer drekë serviret si superlajm, këtë rradhë vëmendjen e ka marrë një komentuese e cila i është drejtuar Erionit, duke i kërkuar atij të heqë nga facebook-u foton e fëmijës së saj, shkruan lapsi. Zonja në fjalë është Ina Kasimati e cila shkroi poshtë fotos së publikuar nga Veliaj: “Z. Erion. Ky është fëmija im. Nuk më keni marr leje për ta publikuar foton e tij në mbrëmjen e ORA e Tokës, pa lejen time si prind. Ju lutem hiqeni, sa më parë”.
Por kërkesa e zonjës e cila punon si mësuese në shkollën e mesme në kryeqytet, “Çajupi”, duket se ka rënë në vesh të shurdhët pasi, siç shkruan sërish, Ina Kasimati është drejtuar me një ankesë zyrtare në Bashki. Fotoja në fjalë ka marrë kritika të shumta në faqen e Erion Veliajt në facebook, ku komentuesit i kërkojnë mos të përdorë fëmijët për të reklamuar politikat e Bashkisë.
