Kaos me lëvizjen e mjeteve është kriijuar pasditen e sotme në dalje të aksit rrugor Tuneli i Krrabës-Elbasan, pasi një automjet i tonazhit të rëndë ka dalë nga rruga.
Mësohet se si pasojë e ecjes me shpejtësi drejtuesi ka humbur drejtimin e lëvizjes duke dalë jashtë rruge dhe është përmbysur në kanal.
Aksidenti ka ndodhur në afërsi të “Rrethrrotullimit të Bradasheshit” dhe për pasojë është bllokuar përkohësisht qarkullimi në këtë aks rrugor.
Policia ndodhet në vendngjarje dhe po punon për rikthimin e normalitetit në qarkullimin e automjeteve dhe largimin nga rruga të mjetit të tonazhit të rëndë të përfshirë në aksident.
