Partia Demokratike humb betejën në Gjykatën e Tiranës lidhur me padinë e saj për shembjet e pallateve te rruga “Myslim Keta” në Tiranë. Kjo pasi Gjykata e Tiranës e ka rrëzuar kërkesën e PD-së, duke i dhënë të drejtë Bashkisë së Tiranës për shembjen e pallatit, banorët e të cilit e kundërshtojnë.
Instituti i Ndërtimit më herët e kishte shpallur të rrezikshëm pallatin.
Dy ditë më parë, Instituti i Ndërtimit që sot drejtohet nga ish zëvendësministri i Infrastrukturës dhe Energjisë në qeverisjen socialiste dhe ish këshilltari i Kryeministrit, Edi Rama, Artan Shkreli, do ta rikonfirmonte oponencën e vitit 2020.
Në vitin 2020, pas analizave të kryera nga inxhinierët dhe ekspertët, Inspektoriati Ndërtimor ka dalë në përfundimin se “Pallati 4, rruga ‘Myslym Keta”, Tiranë duhet të prishet dhe të ndërtohet e re”.
