Një e re është lënduar këtë të Shtunë në Kishën e Laçit pas rënies nga shkëmbinjtë e Kishës në humnerë.
Sipas policisë, vajza 29 vjeçe nga Elbasani është vetëhedhur në humnerë nga 10 m lartësi, në kushte të rënduara psikologjike.
Ajo ka marrë lëndime dhe është transportuar për në spitalin e Traumës në kryeqytet.
“”Xh.M. 29 vjeçe, banuese në Elbasan, ka shkuar tek oborri i Kishës së ‘Shna Ndout’ në Laç, dhe dyshohet se është vetëhedhur nga një shkëmb duke rënë rreth 10 m poshtë. Për pasojë, 29 vjeçarja ka marrë dëmtime fizike dhe ndodhet në Spitalin e Traumës në Tiranë, për trajtimin e nevojshëm mjekësor”, njofton policia.
“Nga veprimet hetimore paraprake të kryera, rezulton se kjo shtetase vuan prej disa kohësh nga depresioni dhe merr trajtim mjekësor”, shtojnë të njëjtat burime.
Lexo edhe:
Shkoi me taksi te Kisha e Laçit dhe u hodh në humnerë/ Si shpëtoi e reja
