Komisioneri Shtetëror i Zgjedhjeve Ilirjan Celibashi është shprehur se votimi i emigrantëve ka qenë dhe mbetet prioritet numër 1 i KQZ.
Sipas tij, partitë politike dhe më pas Kuvendi janë të detyruar të përmbushin urdhrin e Gjykatës Kushtetuese për të plotësuar boshllëkun ligjor për votimin nga jashtë jo më vonë se dhjetori 2023.
“Votimi nga jashtë ka qenë dhe mbetet prioriteti Numër 1 për KQZ Shqiperi. Sot në Nënkomisionin Parlamentar për Diasporën dhe Migracionin, treguam çfarë KQZ ka bërë për të përmbushur këtë prioritet.
Tani partitë politike dhe më pas Kuvendi janë të detyruar të përmbushin urdhërimin e Gjykatës Kushtetuese për të plotësuar boshllëkun ligjor për votimin nga jashtë sa më shpejt, jo më vonë se Dhjetori 2023”, shkruan Celibashi.
