Lajmit të publikuar në media se sallat e operacioneve në Spitalin e Traumës do të qëndrojnë të mbyllura për dy ditë (të hënën dhe të martën e ardhshme), institucioni në fjalë i është përgjigjur me një komunikatë për mediat.
Në një deklaratë në faqen zyrtare të Facebook, Spital i Universitar i Traumës thotë se një proces dezinfektimi do të kryhet në ditët e ardhshme në ambientet e disa prej sallave kirurgjikale të spitalit dhe kjo përfaqëson një proces rutinë.
“Kjo është një procedurë periodike që kryhet për sallat operatore dhe që nuk cënon aspak shërbimin e urgjencës kirurgjikale, blloku operator i të cilës, është në gatishmëri e në funksion të plotë 24/7 për shërbimet ndaj pacientëve”, thuhet në deklaratë.
