Cristiano Ronaldo ka ndarë një mesazh të fshehtë në Instagram vetëm pak ditë pas eliminimit tronditës të Portugalisë nga Kupa e Botës “Katar 2022”.
37-vjeçari e nisi ndeshjen në stolin e rezervave, duke mos bërë pjesë në planet e teknikut Fernando Santos, përpara se të inkuadrohej në mes të humbjes së tyre ndaj Marokut.
Tani – me karrierën e tij ndërkombëtare ende në dyshim superylli luzitan ka zbuluar “tre aspektet e realitetit” të tij në një postim në Instagram.
Sulmuesi ndau një foto me ndjekësit që përshkruante “tre aspektet e realitetit” të tij si “dhimbja, pasiguria dhe puna e vazhdueshme”.
Imazhi vjen nga një dokumentar i fundit i Netflix me regji të Jonah Hill me titull “Stutz”. Ai fokusohet në psikoterapistin amerikan Phil Stutz, i cili punon në përmirësimin e jetës.
Vetëm një ditë më parë, superylli shkroi një mesazh të gjatë për ndjekësit e tij në të njëjtën platformë dhe foli për besnikërinë e tij ndaj Portugalisë.
