Të gjitha fluturimet janë pezulluar në aeroportin Stansted, Britani pasi pista u mbyll për shkak të motit të keq.
Heathrow dhe Gatwick gjithashtu anuluan dhe vonuan fluturimet pasi bora, akulli dhe mjegulla përfshiu Mbretërinë e Bashkuar.
Një paralajmërim i verdhë i motit është lëshuar për Skocinë, Londrën dhe Anglinë jugperëndimore deri të hënën në mëngjes.
Trenat gjithashtu janë vonuar dhe drejtuesit e mjeteve janë paralajmëruar të kenë kujdes pas disa aksidenteve në autostradë.
Stansted tha të dielën në mbrëmje, pista e saj e vetme ishte e mbyllur për të lejuar pastrimin e borës për shkak të kushteve të motit dhe të gjitha fluturimet u pezulluan.
“Vonesat në fluturime u përjetuan më herët për shkak të ngrirjes së akullit të avionit, që është përgjegjësi e menaxherit tokësor dhe siguria e avionëve dhe pasagjerëve është parësore”, shtoi një zëdhënës.
“Pasagjerët këshillohen të kontrollojnë me kompaninë e tyre ajrore për statusin aktual të fluturimeve të tyre.”
James Love, një pasagjer i tha BBC-së se kishte ngecur në një avion Loganair në Stansted për disa orë, i cili nuk ishte në gjendje të ngrihej.
“Kapiteni donte të hiqte akullin nga krahu i avionit. Por në kohën kur ekuipazhi kishte ardhur për ta bërë këtë dhe avioni ishte gati, pista u mbyll dhe ne duhej të ktheheshim në këmbë,” tha ai.
