Moti i keq që ka mbërthyer vendin në 24 orët e fundit ka shkaktuar problematika në qarqe të caktuara, kryesisht me bllokime rrugës, shkëputje të energjisë elektrike dhe përmbytje të sipërfaqeve të mbjella bujqësore.
Shkodra, që është qarku më i goditur nga përmbytjet e dy javëve më parë fatmirësisht këtë mëngjes paraqitet në gjendje stabile, me vetëm një prej njësive administrative që ka regjistruar përmbytje të tokave bujqësore.
Situata në territorin e Bashkisë Shkodër sipas raportimeve të orës 08.00 është si më poshtë:
1.Kuota Drin 6.00 me rritje 60 cm
2.Kuota Liqen 7.95 me rritje 50cm
Në njësinë administrative Ana e Malit janë të përmbytura një sipërfaqe prej 400 hektarësh.
Pa energji elektrike janë pjesa më e njësisë administrative Ana e Malit si dhe fshatrat Beltojë Mali Hebe në njësinë Berdicë.
