Një oficer policie në Britaninë e Madhe, e cila grabiti më shumë se 16,000 euro nga raftet ku ruhen provat e seekuestruara në ngjarje kriminale gjatë katër viteve, përballet me burgim pasi u deklarua fajtore.
52-vjeçarja Lisa Arnold punonte si oficere e provave për policinë e Dorset dhe kishte akses në kartëmonedhat e sekuestruara në operacionet kundër krimit të organizuar.
Ajo përdori pozicionin e saj për të plaçkitur tufa kartëmonedhash në 17 raste të veçanta (në total 14,494 £).
Një gjykatë dëgjoi se ajo kishte vënë në shënjestër paratë e panumëruara në zarfe dhe hapi me kujdes pjesën e poshtme dhe nxori tufat me kartëmonedha. Më pas ajo i mbyllte ato me shirit për të fshehur gjurmët.
Ajo filloi të vidhte para nga kasafortat në selinë e Policisë së Dorset në vitin 2018.
Pavarësisht dy hetimeve të brendshme për paratë e zhdukura nga stacioni, ajo nuk ndaloi së vjedhuri derisa u kap më 19 mars 2022.
Arnold i fshehu paratë në gardërobën e saj për periudha kohore përpara se të bënte depozita të shumta në llogarinë e saj bankare, në mënyrë që të mos ngjallte dyshime.
Puna e saj e dytë si agjente imobilare i lejoi asaj akses të pakufizuar në një gamë të gjerë materialesh që regjistroheshin për të gjitha rastet në Dorset.
Arnold, nga Swanage, Dorset, u paraqit sot në Gjykatën e Magjistraturës së Weymouth dhe u deklarua fajtore për vjedhjen e 14,494 £ nga 14 tetori 2018 deri më 19 mars 2022.
Çështja e saj është shtyrë dhe ajo do të dënohet në Gjykatën e Kurorës së Bournemouth për shkak të ashpërsisë së krimeve të saj.
